ՀՀ Սպորտի նախարարության և Հայաստանի ազգային օլիմպիական կոմիտեի կազմակերպած մրցույթի արդյունքում 2017 թվականի լավագույն տասնյակում ընդգրկված մարզիկները կստանան Hyundai մակնիշի ավտոմեքենաներ:
Կարեն Դեմիրճյանի անվան մարզահամերգային համալիրում տեղի է ունենում «Հայաստանի 2017 թվականի 10 լավագույն մարզիկներ» մրցույթի հաղթողների պարգևատրման արարողությունը:
2017 թվականի լավագույն մարզիկ ճանաչված, ֆուտբոլի Հայաստանի ազգային հավաքականի ավագ Հենրիխ Մխիթարյանը արարողությանը ներկա չէ: Մեր ֆուտբոլիստը «Մանչեսթեր Յունայթեդի» կազմում պատրաստվում է Անգլիայի Պրեմիեր լիգայի հերթական հանդիպմանը: Արարողությանը չի մասնակցում նաև երրորդ հորիզոնականը զբաղեցրած Լևոն Արոնյանը:
Նա Սաուդյան Արաբիայում մասնակցում է արագ շախմատի աշխարհի առաջնությանը:
Հիշեցնենք, որ 2017 թվականի լավագույն մարզիկների տասնյակն այսպիսի տեսք ունի․
1․Հենրիխ Մխիթարյան՝ ֆուտբոլ
2․ Արթուր Ալեքսանյան՝ ըմբշամարտ
3․ Լևոն Արոնյան շախմատ՝
4․ Գրիգոր Մխիթարյան՝ սամբո
5․ Մաքսիմ Մանուկայն ըմբշամարտ
6․ Հովհանանես Բաչկով՝ բռնցքամարտ
7․ Սիմոն Մարտիրոսյան՝ ծանրամարտ
8․ Էդգար Ստեփանյան՝ հեծանվային սպորտ
9․ Արթուր Թովմասյան՝ մարմնամարզություն
10․ Տիգրան Կրակոսյան՝ սամբո