Իսպանիայից Կատալոնիայի անկախացման օգտին հանդես եկեղ կուսակցությունները խորհրդարանում բացարձակ մեծամասնություն են ստացել։ Ներկայում հաշվարկված է քվեաթերթիկների 13.5 տոկոսը։ Նախնական արդյունքներով՝ նրանք ստանում են խորհրդարանի 135 տեղերից 71-ը։
Կատալոնիայի նախկին ղեկավար Կառլես Պուչդեմոնը տարածաշրջանային ընտրությունների արդյունքներն անվանել է «կատալոնական հանրապետության հաղթանակ»։ Նրա խոսքով՝ «Ռախոյը պարտվեց»։ Բելգիայում գտնվող նախկին առաջնորդի հայտարարությունը հեռարձակել է իսպանական մասնավոր La Sexta հեռուստաալիքը։ Դրա հետ կապված՝ Պուչդեմոնը պահանջել է չեղարկել Իսպանիայի Սահմանադրության 155-րդ հոդվածը։
Արտահերթ ընտրությունների անցկացման անհրաժեշտությունն ի հայտ է եկել Կատալոնիայի անկախության հանրաքվեից հետո։ Իշխանությունները ստիպված էին կիրառել Իսպանիայի Սահմանադրության 155-րդ հոդվածը, որը նախատեսում է Կատալոնիայում անմիջական կառավարման սահմանում, ինչի արդյունքում կառավարությունը լուծարվել է։
