Սաֆոլկի (Մեծ Բրիտանիա) բնակիչներ Ռիչարդ և Սառա Պիտկինների ընտանիքն անհեթեթ վախճան է ունեցել։ Ամուսինները համատեղ ապրել են մոտ 40 տարի, սակայն անհայտ անձի գրությունը խաթարել է նրանց ընտանեկան անդորրը։ Թվում էր՝ ոչինչ չի կարող խոչընդոտել 4 երեխա ունեցող զույգի համատեղ ծերանալուն, գրում է The Sun-ը։
Նրանց դռան վրա անհայտ անձի թողած գրության մեջ ասվել է, որ Սառան դավաճանում է ամուսնուն տեղի բնակիչներից մեկի հետ։ Դրանից հետո 58-ամյա կինը գնացել է մոր հետ ապրելու, իսկ Ռիչարդը հայտնվել է ընկճախտի մեջ։
Մի օր, երբ Սառան եկել էր Ռիչարդի մոտ որոշ ֆինանսական հարցեր քննարկելու, 64-ամյա տղամարդը խնդրել է որդուն դուրս գալ տանից, որպեսզի կարողանա առանձազրույց ունենալ կնոջ հետ։ Երբ տղան վերադարձել է, դռան վրա կախված է եղել գրություն. «Խնդրում եմ չմտնել։ Զանգահարե՛ք ոստիկանություն, ներողութուն եմ խնդրում, որ նրանք ստիպված են լինելու առնչվել այս գործին»։ Տղամարդը սպանել էր կնոջն ու վերջ դրել իր կյանքին։
