Իտալական ծովափնյա Կրուկոլի կոմունայի իշխանությունները մտադրություն են հայտնել ցանկացողներին անվճար մի քանի տուն բաժանելու մասին։ Այդ կերպ պաշտոնյաները հույս ունեն շտկել տարածաշրջանում ժողովրդագրական իրավիճակը։ Իտալական փոքրիկ քաղաքում բնակվել ցանկացողները պետք է հայտ լրացնեն բնակավայրի կայքում։
Անվճար կացարանի խաղարկությանը մասնակցել կարող են ԵՄ քաղաքացիները, ինչպես նաև Եվրոպայի ցանկացած երկրում կեցության իրավունք ունեցողները։
Կրուկոլիում ապրում է մոտ 4000 մարդ։ Ինչ-որ պահի տեղի բնակիչները սկսել են զանգվածաբար լքել տները։
Խաղարկվող անվճար տները դեռևս 3-ն են։ Բացի այդ, դրանք գտնվում են տխուր վիճակում, ինչը տեղի իշխանությունները չեն թաքցնում։
Ըստ պայմանագրի՝ մրցույթի հաղթողները պարտավոր են վերանորոգել շինությունները կարճ ժամկետներում։ Տան տերերը պետք է իշխանություններին տրամադրեն 5000 եվրոյի գրավ։ Այդ գումարը տերերին չի վերադարձվի, եթե հաղթողները չիրագործեն վերանորոգման պայմանները։
