Ավստրալացի հնէաբանները, վերլուծելով հին միկրոբների մնացորդները, եզրակացրել են, որ կյանքը Երկրի վրա կարող էր ծագել 4 մլրդ տարի առաջ: Այս մասին հայտնում է PNAS-ը:
Նշվում է, որ հնէաբաններն ուսումնասիրել են 1992 թ. Ավստրալիայի լեռներում հայտնաբերված միկրոօրգանիզմների մնացորդները: Գիտնականների ավելի վաղ արված աշխատանքներում այդ միկրոբների տարիքը գնահատվել է 3,5 մլրդ տարի: Սակայն ելնելով վերջին ուսումնասիրության արդյունքներից՝ այն կարող է հասնել 4 մլրդ տարվա:
Վերլուծության ընթացքում գիտանականներն ուսումնասիրել են 11 մնացորդ՝ 5 տեսակի միկրոբներ: Հետազոտողները պարզել են, որ միկրոօրգանիզմները բավական բարդ կառուցվածք են ունեցել և ունակ են եղել պրիմիտիվ ֆոտոսինթեզի:
