The Independent պարբերականը հրապարակել է ցուցակ՝ ԱՄՆ նախագահ Դոնալդ Թրամփի ամենատարօրինակ սովորություններով։
Հաղորդվում է, որ Թրամփը շատ խանդոտ է վերաբերվում Սպիտակ տան հեռուստացույցերի հեռակառավարման վահանակներին։ Դրանց չի կարող ձեռք տալ ոչ ոք, իրենից և տեխաջակցման աշխատակիցներից բացի։ Նշվում է, որ Թրամփը շատ ժամանակ է հատկացնում հիգիենային։ Նա շատ հաճախակի լվանում է ձեռքերը՝ վախենալով վարակներից։
Պարբերականն անդրադարձել է նաև Թրամփի սննդային նախասիրություններին։ Թրամփը չափազանց շատ սիրում է ֆասթֆուդ և կարող է օրական մինչև 12 շիշ դիետիկ կոլա խմել։
Եվս մեկ տարօրինակ սովորություն վերաբերվում է նրա նստավայրին, նշվում է, որ Թրամփը շատ է սիրում հյուրերին ցույց տալ Սպիտակ տան սանհանգույցները։
