«Պյոտր Սվիտալսկի-Լևոն Տեր-Պետրոսյան հանդիպման մանրամասներից բացարձակ տեղեկություն չունեմ, վարչությունում մանրամասներ դեռ չեն քննարկվել»,- այդ մասին «Առաջին լրատվական»-ի հետ զրույցում ասաց ՀԱԿ վարչության անդամ Վարդան Մալխասյանը՝ հավելելով, որ ՀԱԿ-ը կոնկրետ, ընդգծված ուղություն չի դրսևորել, ազատական են, ուստի կողմ են համագործակցության բոլոր երկրների հետ։ Նա ընդգծեց, որ իրենց առջև դրված նպատակը երկիրը ազատագրել բռնազավթած իշխանություններից, վերականգնել սահմանադրական կարգը։
Անդրադառնալով հարցին՝ արդյո՞ք առաջիկայում հաշվի առնելով երկրում ստեղծված տնտեսական, քաղաքական իրավիճակը, ՀԱԿ-ից պետք է ակտիվացում սպասել, Վարդան Մալխասյանն ասաց․
«Այո, իհարկե մենք ոչ թե հեռացել ենք, քնել ենք, կամ ընկել ենք անտարբերության թմբիրի մեջ, այլ մենք զգում ենք, որ պրկված վիճակ է, նաև Ղարաբաղի հետ կապված ակտիվությունը թուլացրել ենք, բայց երբեք անտարբերության մեջ չենք ընկել»,- շեշտեց նա։
Վրադան Մալխասյանը ասաց, որ պիտի կարողանա հասարակությանը հանել անտարբերության թմբիրից, համոզել, որ սխալ մարդկանց հետ են հույսեր կապել՝ վստահելով մի օր Կարեն Կարապետյանին, մի օր՝ կեղծ ընդդիմադիրներին։
Վարդան Մալխասյանը նշեց, որ այսօր կարևոր խնդիրը ղարաբաղյան հարցն է․ աշխսրհաքաղաքական առումով Մերձավոր Արևելքում այնպիսի մեծ հարցեր առաջ եկան, որ ղարաբաղյան հարցը աշխարհի «տերերը» հրեցին երկրորդ պլան, դրանից մեկն էլ Երուսաղեմի հարցն է։
«Պատերազմական վիճակ հնարավոր է լինի, ինչպես՝ Ապրիլյան պատերազմը, որովհետև ադրբեջանցիները հասկացան, որ լայնամասշտաբ և երկարատև պատերազմ չեն կարող վարել, աշխարհի հզորները չեն թողնի առաջ գնալ, բլից-կրիգի ձևով կփորձի նորից, քանի որ ախորժակը ուտելիս է բացվում՝ 800 հեկտար հող գրավեցին։ Հեռու չէ, որ մոտ ժամանակներս Ալիևը մի քանի օրով կայծակնային հարձակման ծրագիր ունենա, մենք պետք է զգոն լինենք՝ նախորդ անգամվա պես չլինի»,- շեշտեց նա։
Մանրամասները՝ տեսանյութում։
