ԱՄՆ նախագահ Դոնալդ Թրամփի վարկանիշը հասել է նոր նվազագույն նիշի։ Այս մասին են վկայում Pew Research հետազոտական կենտրոնի կողմից անցկացված հարցման տվյալները։
Համաձայն հետազոտության՝ ամերիկացիների միայն 32 տոկոսն է հավանություն տալիս նախագահի պաշտոնում Թրամփի աշխատանքին, ինչը հանդիսանում է ռեկորդային ցածր ցուցանիշ դիտարկումների ողջ պատմության ընթացքում։ Հարցվածների 63 տոկոսը դժգոհ է ԱՄՆ նախագահի գործողություններից։
Հարցումն անցկացվել է նոյեմբերի 29-ից դեկտեմբերի 4-ը։ Հարցմանը մասնակցել է ԱՄՆ 1503 չափահաս քաղաքացի։
