ՀՀ մշակույթի նախարար Արմեն Ամիրյանն այսօր լրագրողների հետ զրույցում հայտնեց, որ վաղը լրանում է Հայաստանի պետական ազգային ակադեմիական երգչախմբի 80-ամյակը, ինչը հպարտություն է բոլորի համար:
Երգչախմբի ղեկավար, խմբավար, դիրիժոր, ՀՀ արվեստի վաստակավոր գործիչ, ՀՀ և ԽՍՀՄ ժողովրդական արտիստ Հովհաննես Չեքիջյանը նշեց, որ համերգը ոչ սովորական ձևով պետք է լինի:
«Այս պահին բացահայտելու կարիք չեմ տեսնում, որպեսզի անակնկալ լինի: Նշանակալի է՝ այս տարի խմբի 80 տարին է, որից 67 տարին ես ղեկավար եմ: Իմ ղեկավարությամբ երգչախումբը ունեցել է 886 արտասահմանյան համերգ, 27 լեզվով երգեր են հնչել»,-ասաց նա և նշեց, որ երբ նոր էր ղեկավարում երգչախումբը, այն բաղկացած էր 45 հոգուց: Նա նշեց, որ ամեն համերգը կարծես քննություն լինի:
