Կառավարության շենքի դիմաց «Ընտանիքում բռնության կանխարգելման» մասին աղմկահարույց օրենքի կողմնակիցները իրականացնում են ակցիա կառավարության կողմից հավանություն ստացած օրինագծի վերաբերյալ:
Հրապարակախոս Զարուհի Հովհաննիսյանը «Առաջին լրատվական»-ի հետ զրույցում նշեց, որ այդ օրինագծում տեղ են գտել իրավաբանորեն անհստակ եզրույթներ, մասնավորապես՝ ընտանիքում հաշտեցման վերականգնման մթնոլորտի, ավանդական արժեքների պահպանման վերաբերյալ, որոնք կարող են ընկալվել որպես թե՛ ավանդական արժեքների պահպանում, թե՛ բռնության մշակույթ:
Մեր զրուցակիցը տեղեկացրեց, որ իրենք կառավարությանն են հանձնելու փոփոխված փաստաթղթի իրավական վերլուծություն՝ պահանջելով վերականգնել նախագծի նախկին անվանումը:
Նրա խոսքով՝ «Ընտանեկան բռնություն» եզրույթը միջազգայնորեն ընդունված եզրույթ է, որն իր մեջ ներառում է երևույթի պարբերականությունը և տարբեր շերտերը՝ ի տարբերություն «Ընտանիքում բռնության», որը ընդամենը խոսում է տեղանքի մասին:
Մանրամասները՝ տեսանյութում:
