ԱՄՆ Արդարադատության նախարարությունն անցկացնում է Հարվարդի համալսարան ընդունվելիս ազգային պատկանելիությամբ պայմանավորված խտրականության ենթադրյալ դեպքերի հետաքննություն։ Այս մասին գրում է The Wall Street Journal-ը։
«Ուսանողները հանուն արդար ընդունելության» ոչ կոմերցիոն կազմակերխությունը հայց է նախապատրաստել ուսումնական հաստատության դեմ։ Կազմակերպությունում հաստատում են, որ Հարվարդում ջանել են չընդունել ասիական արտաքինով դիմորդներին։ Համալսարանի ղեկավարությունը մեղադրանքները հերքում է։
Արդարադատության նախարարությունը Հարվարդի փաստաբաններին է ուղարկել նամակ՝ անհրաժեշտ փաստաթղթեր տրամադրելու և հնարավոր խտրականությունը դադարեցնելու պահանջով։
Եթե ուսանողների ընդունելության խտրականության դեպքերը հաստատվեն, Հարվարդը կարող է զրկվել բյուջետային միջոցներից։
