Երևանի և Մարսելի միջև ստորագրված համագործակցության համաձայնագրում ներառված ոլորտների ծրագրային գործողությունների պլանի աշխատանքային քննարկմանը մասնակցել են Երևանի և Մարսելի քաղաքապետարանների՝ համաձայնագրում ընդգրկված ոլորտների ստորաբաժանումների ղեկավարները՝ երկու քաղաքների փոխքաղաքապետերի գլխավորությամբ։
«Ստորագրված համաձայնագրում նշված ոլորտներում համագործակցության առաջնայնություններն ու ուղղվածությունները ուրվագծելով՝ հետագա քննարկումներն ու բուն ծրագրերն ավելի տեսանելի և գործուն կդարձնենք՝ չհետաձգելով գործողությունների ծրագրի մշակումը»,- նշել է Երևանի քաղաքապետի տեղակալ Արամ Սուքիասյանը։
Երևանի քաղաքապետարանի տեղեկատվության և հասարակայնության հետ կապերի վարչոյթյունից «Առաջին լրատվական»-ին հայտնում են, որ կողմերը ներկայացրել են նաև նշված ոլորտներում մինչ այժմ ձեռքբերած տարաբնույթ ծրագրերին մասնակցությունը և տարաբնույթ համագործակցությունները ու նախանշել համագործակցության հաջողությունը։
