Արմավիրի մարզի Նորապատ գյուղի վթարային կառույցի հրդեհի հետևանքները հարթելու, բնակիչների խնդիրները լուծելու համար ժամանակ է պետք։ Այդ մասին «Առաջին լրատվական»-ի հետ զրույցում ասաց ՀՀԿ-ական պատգամավոր Նահապետ Գևորգյանը, որն Արմավիրի տարածքային ցուցակով է խորհրդարան անցել։
«Ինձ ոչ մեկ չի դիմել, ասենք՝ ես ինչ պետք ա անեի, ժամանակ է պետք, որ էդ ամեն ինչը հարթվի, ինչքան տեղյակ եմ՝ կառավարությունը, քաղաքապետարանը գումար է տվել»,- ասաց նա։
Անդրադառնալով հարցին, թե որպես մեծ թվով քվեներ ստացած պատգամավոր, ինչպիսի գնահատական կտա կառավարության գործունեությանը, արդյո՞ք Արմավիրում մարդկանց կյանքում դրական փոփոխություններ եղել են, թե՞ ոչ, Նահապետ Գևորգյանն ասաց․ «Ինքդ գնա ժողովրդից հարցրու»։
Ինչ վերաբերում է իր կարծիքին, ապա կառավարության աշխատանքը նորմալ է գնահատում։
Մանրամասները՝ տեսանյութում։
