«Սփյուռքը պարտավոր է մասնակցել Հայաստանի ներքաղաքական կյանքին, պարտավորել է ձևավորել հանրային իշխանություն։ Առանց իրենց մասնակցության չենք կարող ունենալ ճիշտ կառավարում»,-«Առաջին լրատվական»-ի հետ զրույցում ասաց «Երկիր Ծիրանի» կուսակցության նախագահ Զարուհի Փոստանջյանը, ով պատրաստվում է մեկնել Միացյալ Նահանգներ և այնտեղ բողոքի ակցիա անցկացնել։
Մեր զրուցակիցը կարևոր է համարում, որ սփյուռքահայերը և արցախահայերը մասնակցեն Հայաստանի համապետական ընտրություններին, ունենան քվեարկելու հնարավորություն։ «Սփյուռքը հասկանում է, որ Հայաստանում ավտորիտար քաղաքական համակարգ է, այն պետք է մոնտաժել։ Մենք միայնակ չեն կարող քանդել այդ համակարգը և հիմնադրել նոր, ժողովրդավար համակարգ»,- ասաց Փոստանջյանը։
«Երկիր Ծիրանի» կուսակցության նախագահը նշում է՝ իրենց առջև խնդիր չեն դրել՝ մի անձին փոխարինել մյուսով. «Եթե փոխում ես, միևնույն է, այդ անձը նույն ավտորիտար համակարգի ներկայացուցիչն է դառնալու։ Այսօր այդ «սերժերը» համատարած են, գյուղապետն էլ, քաղաքապետն էլ, վարչապետն էլ «սերժ» են։ «Սերժ» հասկացությունը շարունակելու է գործել, մեր խնդիրն է փոխել համակարգը, ստեղծել զսպումների ու հակակշիռների մեխանիզմ»։
Հարցազրույցն ամբողջությամբ՝ տեսանյութում։
