Ծնունդով Ուզբեկստանից Սայֆուլլո Սայիպովը, ով իրականացրել է Նյու-Յորքի ահաբեկչությունը, ավելի վաղ արդեն հայտնվել էր ամերիկյան իշխանությունների տեսադաշտում: Այս մասին հայտնում է The New York Times-ը:
Հաղորդվում է, որ իրավապահները Սայիպովի մասին ժամանակին հարցումներ ուղարկել են այլ գործի քննության հետ կապված, որն առնչություն է ունեցել նրա բարեկամի կամ մտերիմի հետ:
Այն ժամանակ ԴԱԻՇ ահաբեկչական խմբավորմանը նյութական աջակցություն ցուցաբերելու համար մեղադրանքներ էին առաջադրվել 5 ուզբեկի և 1 ղազախի դեմ։ Նրանց մի մասն ընդունել էր մեղքը։
