«Հայկական» ժամանակ» թերթը գրում է. «ՀՀ ոստիկանության գնումների 2017 թվականի պլանից տեղեկանում ենք, որ ընթացիկ տարում գերատեսչությունը «Տոյոտա-Երևան» ընկերությանից ձեռք է բերել 43 հատ 2017 թվականի արտադրության Toyota Corolla մակնիշի մեքենա:
Ոստիկանությունը «Տոյոտա-Երևան» ընկերությանը այս 43 մեքենաների համար վճարել է 350 մլն ՀՀ դրամ: Պայմանագրի համաձայն՝ 27 մեքենաներից յուրաքանչյուրի արժեքը 8 մլն 120 հազար դրամ է, իսկ 16-ինը՝ 8,5 մլն: Պայմանագրում առկա տեղեկություններով մեքենաների արտադրող երկրիը Թուրքիան է:
Ոստիկանության և «Տոյոտա-Երևան»-ի ջերմ և շահավետ համագործակցությունն այսքանով չի սահմանափակվում: Պարզվում է, որ «Տոյոտա-Երևան» ընկերությունը ոչ միայն մեքենաներն է տրամադրում, այլ նաև ողջ տարվա ընթացքում սպասարկում է այդ մեքենաները:
Այսպես. ընթացիկ տարվա հուլիսի 28-ին երկու կառույցների միջև կնքվել է պայմանագիր, որի համաձայն «Տոյոտա-Երևան» ընկերությունը 42 մլն դրամի շրջանակներում մինչև դեկտեմբերի 25-ը վերանորոգելու է ոստիկանության մեքենաները:
«Տոյոտա-Երևան» ընկերությունը, հիշեցնենք, կապվում է Ռոբերտ Քոչարյանի ավագ որդու՝ Սեդրակ Քոչարյանի անվան հետ»:
Առավել մանրամասն՝ թերթի այսօրվա համարում:
