«Գործող վարչապետը նույն համակարգի դեմքերից է, գումարելիների տեղերը փոխելուց գումարը չի փոխվում։ Գործող վարչապետը անգամ ավելի վատն է, քան Սերժ Սարգսյանը։ Սերժ Սարգսյանը լինի, թե Կարեն Կարապետյանը՝ ես դրան մեծ կարևորություն չեմ տալիս»,- «Առաջին լրատվական»-ի հետ զրույցում ասաց ՀԱԿ անդամ, ազատամարտիկ Վարդան Մալխասյանը՝ անդրադառնալով գարնանը սպասվող ներքաղաքական զարգացումներին, վարչապետի փոփոխությանը և դրանում ՀԱԿ-ի դերակատարությանը։
Մալխասյանի խոսքով՝ վարչապետի փոփոխությանը ընդդիմանալուց ոչ մի բան չի փոխվի, համակարգային փոփոխություն է պետք անել, որը հնարավոր է միայն այն պարագայում, երբ ժողովրդին համոզենք, որ այսպես այլևս հնարավոր չէ ապրել։
«Մենք պետք է կարողանանք ժողովրդին բացատրել, որ եթե իրենք գնում են և 10 հազար դրամով իրենց ձայները վաճառում այս թափթփուկներին, վաճառում են իրենց ապագան։ Երկրում ապագա չկա։ Պետք է դուրս գալ փողոց, համատարած անհնազանդություն հայտնել, տապալել չարիքի իշխանությունը»,- ասաց Մալխասյանը՝ նշելով, թե պետք է իրավիճակը թելադրի ինչ անեն, երբ դուրս գան փողոց։ «Այդ հարմար պահը հաստատ գալու է»,- համոզված է մեր զրուցակիցը։
Առավել մանրամասն՝ տեսանյութում: