Այսօր մեկնարկեց «Վենետիկի Մխիթարյան Միաբանություն-300» խորագրով միջազգային գիտաժողովը: Վենետիկի Մխիթարյան միաբանության քահանայապետական պատվիրակ, Թուրքիայի հայ կաթողիկե եկեղեցու թեմի առաջնորդ, ՀՀ ԳԱԱ արտասահմանյան անդամ Լևոն արքեպիսկոպոս Զեքիյանը նշեց, որ հայ ժողովուրդն ունեցել է բազմակողմանի պատմություն, մեր պատմության ընթացքում ունեցել ենք թագավորություն, կայսրություն, ունեցել են ոչ պետական շրջաններ, և ժողովուրդն ապրել է իր մշակույթով, ունեցել է գաղթօջախներ:
«Այսօրվա իրադրության մեջ բոլորովին այլ է գաղթի հարցը, որը աշխարհը տակնուվրա է արել: Ամենաժողովրդավար երկրները շվարած են, թե ինչ անեն, հայ ժողովուրդն այսօր լուծման բանալիներ է տալիս: Հայ ժողովրդի երկարատև պատմության ընթացքում շատ դրվագներ կան, որոնք ոչ միայն մեծության նշաններ են, ինչպես պատմահայր Խորենացին է ասում, այլև կարող է ուսուցիչ հանդիսանալ, ուղեցույց հանդիսանալ շատ ժամանակակից հարցերի լուծման համար: Եվ այսօր էլ Մխիթարյան միաբանության դերը Վենետիկում Եվրոպայի սրտում, նաև այս է», -ասաց նա:
