ԵՊՀ բանասիրական ֆակուլտետի դոցենտ, լեզվաբան Նարինե Դիլբարյանը կարծում է, որ ակադեմիական տարկետման ներկայիս կարգի փոփոխությունը, վերացումը սխալ որոշում է և չի նպաստելու ո՛չ գիտության զարգացմանը, ո՛չ էլ բանակում որակալ զինծառայողների ավելացմանը: Նրա դիտարկմամբ՝ այդ կերպ չեն կարող նաև կոռուպցիայի դեմ պայքարել, լուծել ծառայությունից խուսափելու հարցը, սողանցքներ միշտ լինում են:
«Պարբերաբար մեր իշխանությունները ելնելով տարբեր՝ և՛ օբյեկտիվ, և՛ սուբյեկտիվ պատճառներից փորձում են այս կերպ լուծել մեր բանակի զինվորականներով ապահովվածության խնդիրը և երկրի մարտունակության խնդիրը, բայց դա իմ կարծիքով՝ փակուղի է և ոչ միայն չի օգնի մեր բանակը առավել մարդաշատ դարձնելուն, այլ կվնասի շատ ոլորտների: Իմ համոզմամբ՝ դա կոռուպցիոն ավելի մեծ ծավալների ռիսկեր կարող է ունենալ՝ թե՛ հիվանդությունների և թե՛ մնացածի մասով: Առավել վտանգավոր բան ասեմ, որին հիմա ենք բախվում, ես տեսնում եմ, թե ինչպես են հանրապետության շատ քաղաքացիներ իրենց երեխաներին դարձնում ՌԴ քաղաքացի, քանի որ նրանց մոտ բանակը մեկ տարով է և պատերազմական ուղղակի գործողությունների մեջ ներգրավված չէ: Պատկերացրեք՝ ինչ տեղի կունենա ՀՀ քաղաքացիությունից հրաժարվելու և այլ առումներով»,-շեշտեց նա:
Նարինե Դիլբարյանը ընդգծեց, որ այս օրինագծով չեն կարող նպաստել, որ օլիգարխների, պաշտոնյաների զավակները ծառայեն, թնդանոթի միս, զոհ կդառնա իրական գիտական կորիզը, երաժիշտը, իսկ նրանց զավակներին այդպես էլ առաջնագծում չենք տեսնի, լավագույն դեպքում կծառայեն շտաբներում:
Մանրամասները՝ տեսանյութում:
