Արմեն Ջիգարխանյանի երիտասարդ կինը՝ Վիտալինա Ցիմբալյուկ Ռոմանովսկայան լրագրողների հետ խոսել է իրենց ընտանիքնի հետ կապված սկանդալի մասին, հայտնում է «Ռոսիսկի Դիալոգը»: Ներկայացվել է տեսանյութ, որը տեսագրել է Ցիմբալյուկ Ռոմանովսկայայի ներկայացուցիչն ավտոմեքենայում: Կինն առանց դիմահարդարման և հյուծված տեսքով նայում է տեսախցիկին, իսկ կադրից այն կողմ կանացի ձայնը հայտնում է, որ Վիտալինան «շատ վատ վիճակում է և երկու անգամ կորցրել է գիտակցությունը»: Ցիմբալյուկ Ռոմանովսկայան նաև պատմել է, որ իր և Ջիգարխանյանի տուն անհայտ անձինք են մտել: Տնից փաստաթղթերով տուփ է կորել:
Ավելի վաղ հաղորդվում էր, որ Ջիգարխանյանը պատրաստվում է ապահարզանի հարցով դիմել դատարան՝ չեղարկելու իր կնոջ՝ Վիտալինա Ցիմբալյուկ-Ռոմանովսկայայի հետ միությունը։ Դերասանը կասկածում է կնոջը խաբեբայության մեջ։
