ԱՄՆ ռազմական հետախուզությունը պարզել է, որ Հյուսիսային Կորեան կառուցում է նոր դիզելային-էլեկտրական շարժիչով սուզանավ։ Կառուցման աշխատանքները իրականացվում են Հյուսիսային Կորեայի արևելյան ծովափին գտնվող Sinpo նավաշինական գործարանում։
Այդ մասին հայտնում է The Diplomat պարբերականը՝ վկայակոչելով ԱՄՆ կառավարությունում իր աղբյուրները։ Ամերիկյան հետախուզության տվյալներով՝ սուզանավի ջրատարողությունը կազմում է 2000 տոննա, իսկ լայնությունը՝ 11 մետր։
Ենթադրվում է, որ նոր սուզանավը կդառնա Հյուսիսային Կորեայում երբևէ կառուցված խոշորագույն նավ՝ սկսած Najin դասի ֆրեգատների ստեղծումից։
Բացի այդ, ամերիկյան հետախուզությունը ենթադրում է, որ սուզանավը դառնալու է Gorae դասի սուզանավի նախատիպը, որն ունակ է կրել բալիստիկ հրթիռներ։
