ԱՄՆ-ում փոքրիկ աղջիկը խեղդվել է՝ իր հասակակիցների հետ խաղալիս ընկնելով ճարպով լի բաքը։ Հայտնում է Sun-ը։ Աղետը տեղի է ունեցել Ալաբամա նահանգի Օբեռն քաղաքում գտնվող Bruster’s Ice Cream սրճարանի հարևանությամբ։
Եռամյա Սեյդի Գրեյս Էնդրյուսը իր եղբայրների ու քույրերի հետ խաղալիս պատահաբար հայտնվել է բեռնարկղի չամրապնդված տանիքը և ընկել է նրա մեջ։
Երեխային հայտնաբերել են 10 րոպե տևած որոնումից հետո։ Աղջկան փորձել են արհեստական շնչառություն տալ և շուտափույթ ուղարկել են հիվանդանոց, ուր բժիշկները փաստել են նրա մահը։
Ոստիկանությունը տեղի ունեցածը որակում է որպես դժբախտ պատահար։ Սրճարանի ղեկավարությունը ցավակցել է Էնդրյուսի ընտանիքին, որի անդամները հաստատության մշտական հաճախորդներ են։
