Հոկտեմբերի 10-11-ը ՀՀ պետական կառավարման ակադեմիան «Հումանիտար հետազոտությունների կենտրոն» ծրագրի շրջանակում կազմակերպել է միջազգային գիտաժողով:
ՀՀ ԿԳՆ գիտության պետական կոմիտեի նախագահ Սամվել Հարությունյանը իր ելույթում նշեց, որ առաջնահերթությունների վրա արժե շատ ավելի մեծ գումարներ ծախսել, քան այլ խնդիրների: Նրա խոսքով՝ մեր հանրապետության համար նշվել են 6 առաջնահերթություններ:
«Հայագիտությունն ունի քաղաքական նշանակություն, և այդ ոլորտում կատարվում են շատ լուրջ հետազոտություններ»,- ասաց նա:
Սամվել Հարությունյանը ներկայացրեց նաև մեր հանրապետության գիտական կազմակերպությունների կառուցվածքը:
Նրա խոսքով՝ գիտնականները պետք է մեկնեն արտասահման, աշխատեն և վերադառնան. «Մեր հանրապետությունում, իհարկե, կա ուղեղների արտահոսք, բայց մյուս կողմից՝ գիտնականներին ստիպել մնալ, չշփվել այլ գիտնականների հետ՝ դա նույնպես ճիշտ չէ: Ուստի մենք համարում ենք, որ յուրաքանչյուր լուրջ գիտնական տարին մեկ անգամ գոնե պետք է լինի արտասահմանում: Այդ է պատճառը, որ ամեն տարի գիտնականների թվաքանակը փոխվում է՝ երբեմն ավելանում է, երբեմն՝ պակասում»:
Մանրամասները՝ տեսանյութում:
