Վրաստանի նախկին նախագահ Էդվարդ Շևարդնաձեն վստահ է, որ երկրի վարչապետ Բիձինա Իվանիշվիլին «Մոսկվայի մարդը չէ» և պատրաստ է այս կապակցությամբ երդվել սրբապատկերի վրա: Նախկին նախագահի խոսքով՝ ինքը նույն բանը չի կարող ասել Սաակաշվիլիի մասին, հաղորդում է «Գրուզիա Օնլայն»-ը:
«Սաակաշվիլին ավելի շատ Ռուսաստանի մարդն է, քան մեկ ուրիշը: Ռուսաստանի համար Սաակաշվիլին նախագահի ամենացանկալի թեկնածուն էր: Նրա նմանին նրանք այլևս չեն գտնի: 2008թ. նրանք Սաակաշվիլիից ստացան այն ամենը, ինչ ցանակնում էին, և կստանային ավելի շատ, եթե չլիներ Իվանիշվիլին»,- ասել է նախկին նախագահը:
Նա հավելել է, որ Սաակաշվիլին կորցրել է Վրաստանի ժողովրդի վստահությունը, և որ ամենակարևորն է՝ Ռուսաստանի վստահությունը:
