ԱՄՆ քաղաքացիների մեծ մասը տագնապով է մտածում ապագայում ռոբոտատեխնիկայի և ավտոմատացված տեխնիկական միջոցների զարգացման հետևանքների մասին: Այս մասին վկայում են Pew Research Center (PRC) ընկերության հարցման արդյունքները:
Հարցվածների մոտ 72%-ը նշել է, որ ապագան, որում համակարգիչները և ռոբոտները կկարողանան կատարել աշխատանքի մեծ մասը, վախեցնում է իրենց: 33%-ը ոգևորված է դեպքերի այդպիսի ընթացքից:
Հարցվածների 76%-ը նշել է, որ ռոբոտատեխնիայի և ավտոմատացված տեխնիկական միջոցների զարգացումը, որի դեպքում աշխատանքի մեծ մասը մարդկանց փոխարեն մեքենաներն են անում, սրում է սոցիալ-տնտեսական վիճակը երկրում: Հարցվածների 75%-ը կարծում է, որ այդպիսի իրավիճակում ամերիկյան տնտեսությունը չի կարողանա քաղաքացիներին բարձր վարձատրվող աշխատատեղերով ապահովել:
