«Ես կտրականապես դեմ կլինեմ այդ պայմանագրին, եթե պարզվի, որ այսպես կոչված յուվենալ արդարադատության օրենքը, փոքրամասնությունների իրավունքների պաշտպանությունն ու զարգացումը կա այնտեղ։ Եթե դա է՝ ես դեմ եմ, դա մեր ընտանիքը խաթարելու է։ Մենք պետք է կշեռքի վրա դնենք՝ կուրորեն ասում են՝ մենք որ գնայինք Եվրոպա, դրախտում կլինեինք, ո՞վ ասաց»,- «Առաջին լրատվական»-ի հետ զրույցում կարծիք հայտնեց Հայաստանի Դեմոկրատական կուսակցության նախագահ Արամ Սարգսյանը՝ անդրադառնալով նոյեմբերին ստորագրվելիք ՀՀ-ԵՄ նոր համաձայնագրին։
Մեր զրուցակիցն անդրադարձավ նաև ներքին խնդիրներին՝ մասնավորապես 2018-ի հայտնի որոշմանը. «Մենք ինքներս թույլատրել ենք միջամտել դրսի ուժերին, որոնք իհարկե պետք է ասեն՝ մի րոպե եկեք տեսնենք, իրենք չեն կարողանում կողմնորոշվել, մենք էլ այնտեղ շահեր ունենք։ Ինչո՞ւ չպետք է օգտվեն այն իրավիճակից, որոնք իշխանություններն են ստեղծել։Մի բան կարող եմ ասել՝ կողմնորոշման համար շատ քիչ ժամանակ է մնացել, եթե մինչև հունվարի վերջ ամենաուշը հստակ որոշում չլինի, ապա մենք կարող ենք անցնել որոշակի ցնցումային տարբերակներով։ Հարցը միայն անձը չէ, հարցն այն է՝ ո՞ր համակարգում և ի՞նչ լիազորություններով պետք է գործի այդ անձը»։
Հարցազրույցն ամբողջությամբ՝ տեսանյութում:
