Ամերիկացի դերասան Ջարեդ Լետոն կմարմնավորի Playboy ամսագրի հիմնադիր Հյու Հեֆներին նոր կենսագրական ֆիլմում։ Այս մասին հայտնում է Hollywood Reporter-ը։
Ֆիլմի ռեժիսուրայով կզբաղվի Բրետ Ռեթները, ով հայտնի է «Պիկ ժամ», «Կարմիր վիշապ», «Իքս մարդիկ. Վերջին մարտը» ֆիլմերով։
«Ջարեդն իմ հին ընկերն է»,-ասել է ռեժիսորը,- «Երբ նա իմացավ, որ ես ստացել եմ Հեֆների պատմության էկրանավորման իրավունքը, նա ինձ խնդրեց. «Ես ուզում եմ մարմնավորել նրան, ուզում եմ հասկանալ նրան»»։ Ռեժիսորը վստահություն է հայտնել, որ Ջարեդը կարող է դա անել։
Նշվում է, որ Ռեթները ծրագրել էր նկարահանել ֆիլմը 2007 թվականից։
Հյու Հեֆները մահացել է սեպտեմբերի 27-ին, 91 տարեկանում։
