ԱՄՆ-ում հայտարարվել են MTV Movie Awards ամենամյա կինոմրցանակների դափնեկիրները: Թվով 20-րդ մրցանակաբաշխությունն անցկացվել է հունիսի 5-ին Լոս Անջելեսում:
Այս մրցանակաբաշխության իսկական հաջողակը համարվեց «Մթնշաղ» ֆիլմի երրորդ մասը, որը հայտնի է «Խավարում» անունով: Այն ընդհանուր առմամբ արժանացել է MTV-ի հինգ մրցանակի` «Ադի-բուդիով գավաթի», այդ թվում` «Լավագույն ֆիլմ» անվանակարգում: Ֆիլմի գլխավոր հերոսներ Ռոբերտ Փեթիսոնը և Քրիսթեն Սթյուարտը ստացել են «Ադի-բուդիներով գավաթներ» «Տղամարդու լավագույն դեր» և «Կնոջ լավագույն դեր» անվանակարգերում: Նրանք ստացել են նաև մրցանակ «Լավագույն համբույր» անվանակարգում:
Այստեղ ոչ մի անակնկալ չի գրանցել. «Մթնշաղ» ֆիլմի նախորդ 2 սերիաները 2009 և 2010 թթ. հնգական մրցանակ են ստացել:
Հատկանշական անվանակարգերում մրցանակներ են շահել Ջասթին Բիբերը՝ «Ամենացնցող դրվագ», Քլոյա Մորեցը՝ «Տարվա առաջընթաց», Ռիզ Ուիզերսթունը՝ «Սերունդների երախտիքը» անվանակարգերում և այլն:
