«Երեկ ինստիտուտի ռեկտորը որոշում ընդունեց, որ այդ բաց նամակին պիտի պատասխանի ապօրինի որոշումներով: Գիտխորհուրդը որոշում ընդունեց, որ Պատմության և փիլիսոփայության ամբիոնի վարիչ Խորիկյան Հովհաննեսին պետք է հայտնի անվստահություն և նրան ազատի աշխատանքից»,- «Առաջին լրատվական»-ի հետ զրույցում ասաց քաղաքագետ Գագիկ Համբարյանը՝ ներկայացնելով Շիրակի մարզի պետհամալսարանի շուրջ ստեղծված իրավիճակը:
Պարոն Համբարյանը փաստերով ներկայացրեց այն ապօրինությունները, որոնք իրականացվում են համալսարանում. «Օրինակ՝ դասերը թերբեռնված կուրսերում են իրականացվում, շաբաթական ծանրաբեռնվածությունը մեզ մոտ 12 ժամ է, անցկացվում է Հայաստանում գոյություն չունեցող ինտեգրված ուսուցում, իսկ հեռակա բաժնում դասավանդելու դիմաց դասախոսը ոչ մի լումա չի ստանում՝ այն դեպքում, երբ պարոն ռեկտորը ուսանողներից գանձում է ամբողջ վարձավճարը: Փոշիացվում է ինստիտուտի բյուջեն»:
Նրա խոսքով՝ պարզվում է, որ այստեղ վարորդներն ավելի բարձր են վարձատրվում, քան ինստիտուտի շատ-շատ դասախոսներ, իսկ ռեկտորի խորհրդականի և օգնականի աշխատավարձերն ավելի բարձր են, քան Սերժ Սարգսյանի խորհրդականի և օգնականի աշխատավարձերը. «Ի դեպ, ոչ մեկը գիտությունների թեկնածու չէ»:
Մանրամասները՝ տեսանյութում:
