ՄԱԿ-ի գլխավոր քարտուղար Անտոնիու Գուտերեշն անհանգստացած է Իրաքյան Քրդստանում անցկացված հանրաքվեի հնարավոր ապակայունացնող էֆեկտից և երկխոսության ու փոխզիջման կոչ է արել, գլխավոր քարտուղարի հայտարարությունը ճեպազրույցի ժամանակ ընթերցել է նրա ներկայացուցիչ Ստեֆան Դյուժարիկը։
«Գլխավոր քարտուղարը հարգում է Իրաքի ինքնիշխանությունն ու տարածքային ամբողջականությունը և կարծում, որ դաշնային կառավարության և Քրդստանի տարածաշրջանային կառավարության միջև առաջացող հարցերը պետք է լուծվեն երկխոսության ու փոխզիջման ուղիով»,-ասել է նա։
ՄԱԿ-ի գլխավոր քարտուղարը նաև ակնկալում է, որ ՄԱԿ-ը կշարունակի իր աշխատանքն Իրաքում և Քրդստանի տարածաշրջանում առանց խոչընդոտի։
«Նա (Գուտերեշը) կոչ է անում համապատասխան իշխանություններին շարունակել աջակցությունը (ՄԱԿ-ի գործունեությանը)»,-հավելել է Դյուժարիկը։
