Ստրասբուրգի արվարձանում կկառուցվի ֆրանս-թուրքական իսլամական համալսարան:
Ինչպես հաղորդում է Ansamed.info-ն, Թուրքիայի կողմից ֆինանսավորվող նախագծի հիմնական նպատակն է իմամներին սովորեցնել արաբերեն:
Այսօր Ֆրանսիայում գոյություն ունի միայն երկու մասնավոր համալսարան, որոնցում կրթում են իմամներին. Փարիզի մզկիթի կազմակերպած դպրոցը և Ֆրանսիայի իսլամական կազմակերպությունների միության հիմնած ինստիտուտը, որը գործում է «Մուսուլման եղբայրներ» շարժման հովանու ներքո:
Համալսարանում բացի իսլամական աստվածաբանության հնգամյա կուրսից, նախատեսվում է նաև միջնակարգ դպրոց իմամների համար և վերապատրաստում:
«Իմամների համար դպրոցը կդառնա աստվածաբանական ֆակուլտետի ուսանողների ռեսուրս: Տվյալ համալսարանը նախատիպ կհանդիսանա Ֆրանսիայում և ամբողջ Եվրոպայում իսլամական կրթական այլ նախագծերի համար»,- Libération թերթին տված հարցազրույցի ժամանակ հայտարարել է Ստրասբուրգի քաղաքապետարանի խորհրդական սոցիալիստ Սաբան Կիպերը:
Ուսումնական ծրագրում կրոնի համար շաբաթական կհատկացվի առնվազն 6 ժամ: Թերթի տվյալներով՝ Թուրքիան նախագծի իրականացման համար հատկացրել է 15 միլիոն եվրո