Այս տարի Առողջապահության նախարարությունը ինսուլինի կարիք ունեցող հիվանդների դեղապահովման համար ծրագրել էր գնել 152,072 մլն ազդեցության միավոր մարդկային ինսուլին: Եվ սա այն դեպքում, երբ իրական պահանջը մոտ 180 մլն է: Սա պայմանավորված է բյուջեի միջոցների սղությամբ:
Ըստ տարբեր հաշվարկների 2018թ. անհրաժեշտ կլինի ապահովել շուրջ 290,0 մլն ազդեցության միավոր ինսուլին, ինչը նույնպես հնարավոր չէր լինի ապահովել ներկայիս բյուջետային միջոցներով:
Այս տարվա 3-րդ եռամսյակի համար գնումը կատարվել էր Սանոֆի-Ավենտիս Հունգարիա ընկերությունից: Սակայն դանիական «Նովո-Նորդիսկ» ՍՊԸ-ից 2013-2019 թվականների համար ներկայացվել է շահավետ առաջարկություն: Ընկերությունը կարճատև միջին և խառը ազդեցության մեկ 10 մլ սրվակ ինսուլիններն առաջարկում է 3,30 դոլարով, ինչն էականորեն ցածր է այլ կազմակերպությունների, ներառյալ ներկայումս Հայաստան ինսուլին մատակարարող Սանոֆի-Ավենտիս Հունգարիա ընկերության առաջակած գնից:
Ինսուլինի մատակարարման պայմանագիրը «Նովո-Նորդիսկ Ա/Ս» ընկերության հետ պետք է կնքվի հինգ տարի ժամկետով: Դա հնարավորություն կտա 2013-2019 թվականներին անխափան ապահովել ինսուլինի կարիք ունեցող հիվանդների ինսուլինի պահանջարկը 100%-ով:
