Միացյալ Թագավորության սահմանային տեսուչներից մեկը հաշվետվություն է ներկայացրել, համաձայն որի՝ սահմանային անվտանգության նոր էլեկտրոնային համակարգը գործնականում անիմաստ է: Այդ ծրագրի օգնությամբ ստացված տվյալներից ոչ ոք չի օգտվում, իսկ երբեմն դրանք ջնջվում են առանց ընթերցման:
Համակարգի աշխատանքի վերլուծությունը ցույց է տվել, որ հաճախ դրանից օգտվում է միգրացիոն ծառայությունը, ոչ թե անվտանգության աշխատակիցները՝ գրում է The Guardian-ը: ՆԳՆ-ն ակտիվորեն զբաղվել է նոր ծրագրի լոբբինգով, այն մշակվել է մոտ 10 տարի և հարկատուներին 500 մլն ֆունտ արժեցել: Սակայն համակարգը հազիվ թե օգնի խուսափել պոտենցիալ ահաբեկչական սպառնալիքից:
Համաձայն դրա ՝ ուղևորները տոմս գնելիս պետք է ներկայացնեն իրենց անձնական տվյալները: Ծրագիրը գործարկվել է 2004-ին, սակայն ներկայում դրանից օգտվում են միայն երկու ավիաընկերություններ:
Լոնդոնի օդանավակայաններում, Հիթրոուից բացի, անձնակազմը նույնիսկ չգիտի համակարգի մասին, և թե ինչպես պետք է գործել կասկածելի ուղևորի մասին ազդանշան ստանալուց հետո:
