Ինչպես արդեն տեղեկացրել ենք, Անգլիայի գործող չեմպիոն «Մանչեսթեր Յունայթեդ»-ը պատրաստվում է նոր պայմանագիր առաջարկել թիմի երիտասարդ կիսապաշտպան Ադնան Յանուզային և խուսափել Պոլ Պոգբայի հետ կապված պատմությունից, ով տեղափոխվեց «Յուվենթուս»:
Բելգիացին ակնարկել է, որ չի պատրաստվում մոտ ժամանակներս նոր համաձայնագիր կնքել ակումբի հետ: Այդ մասին տեղեկացնում է The Guardian-ը:
Ֆուտբոլիստի գործակալ Դիրկ դե Վրիսի խոսքերով՝ նա առաջարկ ունի եվրոպական մի քանի գրանց ակումբներից և ցանկանում է դիտարկել դրանք: Յանուզայի գործող համաձայնագրի ժամկետը լրանում է ընթացիկ մրցաշրջանի ավարտից հետո:
Հիշեցնենք, որ 18-ամյա կիսապաշտպանը շաբաթ օրը կայացած «Սանդերլենդ»-ի դեմ խաղում դարձավ դուբլի հեղինակ, իսկ թիմը 1:2 հաշվով կամային հաղթանակ տարավ «Սանդերլենդ»-ի նկատմամբ
