Թմրաքաղաքականության ոլորտում գիտական հետազոտությունների միջազգային կենտրոնը հայտարարել է, որ կոկան կարող է օգնել Երկրի միլիոնավոր բնակիչների, գրում է The Independent-ը:
Համաձայն կազմակերպության տվյալների՝ կոկաինի գործարանների աշխատանքի վերսկսումը նոր աշխատատեղեր կստեղծի աղքատների համար:
Գիտնականները մատնանշում են կոկայի՝ բժշկական նպատակներով հնարավոր կիրառությունը, քանի որ այն դարեր շարունակ օգտագործել են Անդերի բնակիչները:
Լինելով ածխաջրածնի ու կալցիումի հարուստ աղբյուր՝ կոկան հնարավոր է օգտագործել նաև գինու արտադրության մեջ: Բացի դրանից՝ կոկայի պլանտացիաները եկամտի աղբյուր են աղքատ ֆերմերների համար:
Կոկայի աճեցումը արգելված է 1961-ից: 1995թ. Առողջապահության համաշխարհային կազմակերպությունը զեկույց հրապարակեց, որում հայտնեց, որ կոկայի տերևները (ի տարբերություն կոկաինի) առողջությանը չեն վնասում, սակայն ԱՄՆ-ը հանդես եկավ այդ տվյալների հրապարակման դեմ:
