Տեխասի նահանգապետ Գրեգ Էբոթը հայտարարել է, որ «Հարվի» փոթորկի վնասը կարող է 150-180 մլրդ դոլար կազմել: Այս մասին հայտնում է Reuters-ը:
«Այդ սարսափելի փոթորկից տուժած մարդկանց թիվը և տարածքն ավելի մեծ են, քան «Կատրինայի» ժամանակ էր, որից հետո վերականգնման համար 120 մլրդ դոլար պահանջվեց»,- ասել է Էբոթը:
Ավելի վաղ հայտնի դարձավ, որ ԱՄՆ-ում մոլեգնած «Հարվի» փոթորկի հետևանքով, վերջին տվյալներով, 44 մարդ է զոհվել: ԱՄՆ նախագահ Դոնալդ Թրամփը Կոնգրեսից խնդրել է պահուստային ֆոնդերից հատկացնել 7.85 մլրդ դոլար՝ վերացնելու համար Տեխաս նահանգին պատուհասած «Հարվի» փոթորկի վնասները:
