Ռուսաստանի ԱԳՆ-ն իր վճռական բողոքն է արտահայտել՝ կապված ԱՄՆ-ում ՌԴ դիվանագիտական ներկայացուցչությունների գործունեության նոր սահմանափակումների հետ: Այս մասին ասվում է ՌԴ ԱԳՆ պաշտոնական ներկայացուցիչ Մարիա Զախարովայի մեկնաբանության մեջ, որը տեղադրվել է դիվանագիտական գերատեսչության կայքում:
Զախարովան Վաշինգտոնի որոշումը համարել է միջազգային իրավունքի կոպիտ խախտում: «Այդ քայլը միջազգային իրավունքի նոր կոպիտ խախտում է՝ ներառյալ դիվանագիտական և հյուպատոսական հարաբերությունների մասին Վիեննայի կոնվենցիաների հարցով ԱՄՆ պարտավորությունները»,- նշել է նա:
«Այսպիսի վրդովեցուցիչ ակցիաներով ԱՄՆ-ը շարունակում է ճնշել առանց այն էլ ոչ պարզ երկխոսության մթնոլորտը, վնասում փոխգործակցության հնարավորությանը, այդ թվում նաև միջազգային խնդիրների լուծման հետ կապված որոշումներին»,- ընդգծել է դիվանագետը:
Զախարովայի խոսքով՝ Վաշինգտոնի միջոցառումները սպառնալիք են ստեղծում Ռուսաստանի քաղաքացիների անվտանգության համար:
