Փաստաբան Արայիկ Պապիկյանի և նրա ընտանիքի անդամների հասցեին սպառնալիքներ պարունակող էլեկտրոնային նամակներ ուղարկելու գործի քննությունը կիրականացնի ՀՀ Քննչական կոմիտեն: Այսօր՝ օգոստոսի 31-ին, ՀՀ քննչական կոմիտեի մամուլի ծառայությունից տեղեկացրին, որ փաստաբան Արայիկ Պապիկյանի լիազորությունների իրականացմանը խոչընդոտելու կամ մասնագիտական գործունեության հետ կապված սպառնալիքների դեպքի առթիվ ոստիկանությունում հարուցվել է քրեական գործ՝ ՀՀ քրեական օրենսգրքի 332.3-րդ հոդվածի 2-րդ մասով և այն ուղարկվել է Քննչական կոմիտե:
Գործի քննությունը կիրականացվի Վաղարշապատի քննչական բաժնում:
Հիշեցնենք, որ փաստաբանի հայտարարության համաձայն՝ իրեն հայհոյախառն նամակներ, սպառնալիքներ, ինչպես նաև իր մասնագիտական գործունեությունը դադարեցնելու վերաբերյալ հաղորդագրություններ է ստացել ֆեյսբուքյան կեղծ օգտատիրոջ կողմից:
