Ավան և Նոր Նորք վարչական շրջանների ընդհանուր իրավասության դատարանում շարունակվում է «Սասնա ծռերի» գործով դատավարությունը:
Պաշտպաններից Ինեսսա Պետրոսյանը բողոքեց դատավորի կիրառած սանկցիաներից, որի պատճառով դատական նիստն անընդհատ հետաձգվում է:
«Ձեզ դուր ա՞ գալիս էդ գործողությունը հարյուր անգամ կատարել», – հետաքրքրվեց պաշտպանը:
Դատավորն էլ նկատեց. «Դուք բոլորով միասին պարտաճանաչ երեք ամիս դատական նիստը հետաձգում եք: Կարող եմ մի քանի պաշտպանների թվարկել, որոնք պարտաճանաչ ներկայացել են դատական նիստին: Ձեր ուզածն այն է, որ եթե մեկ փաստաբան չի ներկայացել, միանգամից դատական նիստը հետաձգենք ու բոլորս գնացինք տուն», – ասաց նա:
