ԱՄՆ հատուկ ծառայությունները շաբաթ օրը Լիբիայում ձերբակալել են «Ալ-Քաիդայի» անդամ Անաս էլ-Լիբիին: Այս մասին հաղորդում է Associated Press-ը:
Համարվում է, որ նա 1998-ին տեղի ունեցած՝ Քենիայում և Տանզանիայում ԱՄՆ դիվանագիտական ներկայացուցչություննրի վրա հարձակման կազմակերպիչներից է: Այդ ժամանակ 213 մարդ է զոհվել Նայրոբիում, ևս 77-ը՝ Դար էդ Սալամում:
Նրան ձերբակալելու համար ամերիկյան հատուկ ծառայությունները միլիոնավոր դոլարներ են առաջարկել:
Ներկայումս «Էլ-Լիբին օրինական հիմունքներով ձերբակալվել է ԱՄՆ հատուկ ծառայությունների կողմից և Լիբիայից դուրս է գտնվում»,- ասել է Պենտագոնի ներկայացուցիչը:
