Զբոսաշրջիկը պնդում է, որ իրեն հաջողվել է անհավանական լուսանկարներ անել, որոնք ձնե մարդու գոյության վստահելի ապացույց են:
Լուսանկարներով արդեն հետաքրքրվել է արտառոց երևույթների ու էակների ուսումնասիրությամբ զբաղվող կազմակերպությունը:
Ինչպես հաղորդում է Daily Mail-ը, 57-ամյա Ջոն Սթոունն իր ավտոմեքենայով վերադառնալիս է եղել ամերիկյան Բրեդֆորդ քաղաքում ընթացող փառատոնից, երբ անտառում նկատել է առեղծվածային էակների: Տղամարդը լռակյաց հսկայական էակներին ցույց է տվել իր ընկերուհուն, իսկ հետո դուրս է եկել ավտոմեքենայից ու լուսանկարել նրանց:
Վերադառնալով տուն՝ նա նայել է ստացված լուսանկարները համակարգչի էկրանին և հասկացել, որ լուսանկարել է ոչ թե տարօրինակ արջերի, այլ բիգֆութների զույգի:
Սթոունը վստահ է, որ կարողացել է ձնե մարդկանց գոյության անհերքելի ապացույցներ գտնել և պատրաստ է ցանկացածի հետ վիճել իր խոսքերի ճշմարտացիությունը հաստատելու համար:
