Մադրիդի «Ռեալ»-ի ու «Միլան»-ի նախկին կիսապաշտպան Կլարենս Սեեդորֆը խոսել է մադրիդյան թիմի գլխավոր մարզիչ Կարլո Անչելոտիի մասին:
«Անչելոտին միշտ գիտի, թե ինչ է անում: Նրան ժամանակ տվեք: Նա հաղթող է, ու պետք է համբերություն ցուցաբերել, քանի դեռ նա թիմ է կառուցում:
«Ռեալ»-ի կազմում հավաքված են ուժեղ խաղացողներ, ինչը նրան վստահություն է հաղորդում: Նրա թիմերը միշտ լավ են հանդես եկել ու արդյունքում հաղթել են:
Ակումբը հրավիրեց նրան, որ կարողանա հաղթանակ տանել եվրոպական մակարդակում ու ներքին առաջնությունում, իսկ դրա համար ժամանակ է հարկավոր:
Մենք միասին 8 տարի աշխատել ենք «Միլան»-ում, ու վստահեցնում եմ ձեզ, նա գիտի` ինչ է անում», – ասել է Սեեդորֆը:
