«Ոչ մի բան ինձ չի գոհացրել. թվում է, թե ինչ-որ բաներ են փոխվում, խոսակցություններ են փոխվում, մարդիկ են փոխվում, բայց էականորեն, ըստ իս, բան չփոխվեց»,- «Առաջին լրատվական»-ի հետ զրույցում ասաց երաժիշտ-երգահան Եղիշե Պետրոսյանը՝ գնահատելով անցած մեկ տարվա ընթացքում կառավարության կատարած աշխատանքը:
Նրա խոսքով՝ փոխվեց միայն մի բան, որ համայն հայության ջանքերով սահմանները մի քիչ ամրապնդվեցին, ռուսները որոշ քայլեր արեցին, որ չուղարկված զենքերը գան-տեղ հասնեն, որպեսզի այս հակառուսական տրամադրությունները մարեն:
Եղիշե Պետրոսյանի կարծիքով՝ մենք տեղում դոփում ենք:
Ինչ վերաբերում է 2018-ից հետո Սերժ Սարգսյանի՝ վարչապետ մնալու-չմնալու հարցին, ապա մեր զրուցակիցը դա չի կարևորում, քանի որ «սիստեմը մնում է նույնը». «Դա համարում եմ կեղծ օրակարգ: Ողջ կլանը ղեկավարում է երկիրը և տիրում է նրա ողջ ռեսուրսներին»:
Մանրամասները՝ տեսանյութում:
