ArmStar.am-ի փոխանցմամբ՝ այսօր երգիչ Մարտին Մկրտչյանի ծննդյան օրն է: Այս տարի Մարտինը նոր կարգավիճակով ու նորովի է տոնում իր ծնունդը, արդեն սիրելի տիկնոջ` Հռիփսիմե Հակոբյանի հետ միասին:
«Երեկ գիշեր կինս ինձ համար անակնկալ էր պատրաստել: Նա հրավիրել էր բոլոր մտերիմ ծանոթ-բարեկամներիս: Ես չգիտեի այդ մասին: Շատ լավ ու ջերմ մթնոլորտում մինչև լույս տոնեցինք ծնունդս, որի շարունակությունն էլ այսօր կլինի:
Այս տարի ծնունդս առանձնապես մեծ շուքով չեմ տոնում, երևի թե պատճառն այն է, որ կլոր թվի եմ սպասում` 30-ամյակիս: Բայց կարող եմ վստահ ասել, որ մյուս բոլոր ծնունդներիցս սա ամենալավն է, որովհետև կողքիս է իմ սիրելին, իմ Հռիփսիմեն: Ինձ համար ամենաթանկ նվերը նրա պատրաստած անակնկալն էր»: Դեռ երեկվանից Մարտինը բազում շնորհավորանքներ ու նվերներ է ստացել, որոնցում կարևորում է ջերմությունը:
«Ինձ համար իհարկե նվերի մատուցման ձևը կարևոր է, բայց արժեքը` երբեք: Կարևորը ուշադրությունն է…»: Այս տարի Մարտին Մկրտչյանի ծննդյան օրվա նվերներից է նաև նրա նոր տեսահլովակի պրեմիերան:
Մարտինը, ինչպես և բոլոր հոբելյարները ծննդյան օրերին մի տեսակ այլ հայացքով են նայում դեպի անցյալ, տեպի անցած ու ապրած տարիները` չթերագնահատելով ապագան. «Ես իմ Աստծուց շատ շնորհակալ եմ այն ամենի համար, ինչ ունեմ: Իմ ապրած կյանքը միշտ գնահատել եմ 5+: Հիմա իմ կյանքում միայն մի «բաց» կա: Դա երեխայիս բացն է, որն էլ իր ժամանակին կլրանա…»,- ավելացրել է հոբելյարը:
Մարտինն այս տարի ևս իր ծննդյան օրը ներ տեսահոլովակ է ներկայացրել: «Պատահական» կոչվող երգի հեղինակները Ռիչարդ Մադլենյանն ու Անահիտ Մխիթարյանն են: Տեսահոլովակը հանձնում ենք ձեր դատին:
