Այսօր գլխավոր դատախազության դիմաց կազմակերպվել էր ակցիա՝ ի պաշտպանություն Արամ Մուղալյանի և ընկերների: Ակցիայից հետո Արման Մուղալյանի մայրը՝ Վարդուհի Շափաղաթյանը, նամակ փոխանցեց գլխավոր դատախազ Գևորգ Կոստանյանին և Վճռաբեկ դատարանին: Նամակում գլխավոր դատախազի ուշադրությունն է հրավիրվում խուլիգանության և խոտի դեզը հրկիզելու փորձ կատարելու մեջ մեղադրվող Արամ Մուղալյանի, Ռոբերտ Փիլոյանի, Արթուր Քլյանի և Գագիկ Առաքելյանի քրեական գործում առկա հակասությունների և նախաքննական կեղծիքների վրա։
Ակցիայի մասնակից, Քաղաքացիական հասարակության ինստիտուտ ՀԿ նախագահ Արման Դանիելյանի հավաստմամբ՝ տղաները հինգ ամիս ապօրինաբար են պահվել բանտում, նրանց հանդեպ դատարանը վարվել է կամայականորեն:
Արամ Մուղալյանի մայրը՝ Վարդուհի Շափաղաթյանն էլ հավելեց, որ որդին արդեն դադարեցրել է ջրադուլը, սակայն չի հրաժարվել հացադուլից. «Ես շատ լավատես եմ, հավատում եմ, որ տղաների անմեղությունը անպայման կհաստատվի: Միգուցե պետք չէր այդքան լավատես լինել»:
