Մեծ Բրիտանիայի վարչապետ Դևիդ Քեմերոնի կարծիքով՝ մինչև 25 տարեկան անձինք չեն կարող հավակնել պետական կացարանի կամ գործազրկության նպաստի՝ գրում է The Telegraph-ը:
«Երիտասարդները պետք է սովորեն և գումար վաստակեն ինքնուրույն: Նրանք պետք է ընտրություն կատարեն՝ դպրոց կամ քոլեջ գնալ՝ շարունակելու ուսումը, կամ գտնել աշխատանք: Ներկայում շատերն ընտրում են գործազրկության նպաստը, բայց մենք պետք է նրանց առաջարկենք ինչ-որ այլ՝ ավելի լավ բան»,- կարծում է Քեմերոնը:
Միջոցների նման տնտեսումը թույլ կտա շարունակել երիտասարդ ընտանիքներին հատկացվող հարկային արտոնությունները, ինչը համարվում է պահպանողական կառավարության հիմնական նպատակը:
