ArmStar.am-ի փոխանցմամբ՝ օրեր առաջ «Շանթ» հեռուստաընկերության նոր նախագծի` «Պրեմիերա»-ի պրեմիերան էր` առաջին եթերը::
Նախագծի երաժշտական պրոդյուսեր Գիսանե Պալյանի հետ զրույցի ընթացքում տեղեկացել են, որ Լուսինե Աղաբեկյանը սկզբում մասնակցություն էր ունեցել նախագծին, սակայն ինչ-ինչ պատճառներով դադարեցրել էր համագործակցությունը:
Պատճառները ArmStar.am-ը փորձել է ճշտել անձամբ Լուսինեից. «Պրոյեկտից հրաժարվել եմ ինքս: Երկրորդ փուլից սկսած այլևս չեմ մասնակցում այդ նախագծին, քանի որ նոր առաջարկներով ստիպված էի երկրից դուրս գալ: Ժամանակային առումով հնարավոր չէր համատեղել այս ամենը»,- մեկնաբանել է Լուսինե Աղաբեկյանը:
ArmStar.am-ի այն հարցին, թե այդ ինչ այլ գործերով է զբաղված Լուսինեն, որի պատճառով ժամանակ չի կարողացել տրամադրել «Պրեմիերա»-ին, Լուսիենեն պատասխանել է. « Չեմ ուզում առայժմ փակագծերը բացել, չէի կարող երկուսը համատեղել: Զուտ ժամանակի խնդիր էր» :
