Չնայած կանանց «արևմտյան թեթևամոլությունը» կանխարգելող օրենքներին՝ Թեհրանում բարգավաճում են ընդհատակյա բուտիկները, որոնք բավարարում են նորաձևության հանդեպ իրանցի կանանց կիրքը՝ գրում է The Guardian-ը:
Հիլով սև թեյի շուրջ մի խումբ երիտասարդ կանայք քննարկում են, թե որ զգեստն է հարմար այս կամ այն միջոցառման համար: Նրանք գտնվում են մասնավոր հաստատությունում, որը հայտնի է որպես maison (ֆրանսերեն՝ տուն): Նման բուտիկները սովորաբար գտնվում են հենց սեփականատիրոջ տանը:
Նրանք փորձում են զգեստները առանց գլխաշորերի, ներկած եղունգներով, հարդարված հոնքերով, դիմահարդարված: Այս ամենը ցույց է տալիս, թե ինչի են ընդունակ իրանցի կանայք՝ ամեն օր լավ տեսք ունենալու համար՝ գրում է Սառա Աֆզալը:
Այդպիսի տները գրավում են միջին և բարձր դասի կանանց՝ նրանց տրամադրելով ավելի շատ հարմարավետություն, քան պաշտոնական բուտիկները: Մանրածախ առևտրով զբաղվող շատ կանայք սկսում են առևտուրը տանից՝ տարածքի վարձակալության համար գումար չծախսելու համար:
Նրանք սկզբում սկսում են մի քանի հագուստից, վաճառում դրանք ընկերներին ու ընտանիքի անդամներին, այնուհետև նրանց բիզնեսն աճում է:
