Իսրայելի վարչապետ Բենիամին Նեթանյահուն Իրանի նախագահ Հասան Ռուհանիին անվանել է «գառան մորթով գայլ», հաղորդում է Haaretz իսրայելական թերթը: Նման հայտարարությամբ նա հանդես է եկել ՄԱԿ-ի Գլխավոր ասամբլեայում: Այս կերպ Նեթանյահուն միջազգային հանրությանը զգուշացրել է չթուլացնել իրանական միջուկային ծրագրի պատճառով սահմանված պատժանիջոցները:
Իսրայելի վարչապետի խոսքերով՝ Ռուհանին չի օգտագործում նախորդ նախագահ Մահմուդ Ահմադինեժադի կոշտ հռետորաբանությունը, սակայն Թեհրանի դիրքորոշումը, կապված միջուկային ծրագրի հետ, անփոփոխ է: Նեթանյահուն պնդում է, որ նախագահների միջև միակ տարբերությունն այն է, որ ներկայիս նախագահը «գառան մորթով գայլ» է, իսկ նախորդը՝ «գայլ՝ գայլի մորթով»:
Վարչապետը միջազգային հանրությանը կոչ է արել ուժի Իրանի հանդեպ սահմանված պատժամիջոցներն մեջ թողնել այնքան ժամանակ, քանի դեռ իշխանությունները չեն հաստատել միջուկային զենքի մշակման ծրագրի բացակայությունը: Նեթանյահուն ընդգծել է, որ Իսրայելը թույլ չի տա Թեհրանին ստեղծել ատոմային ռումբ և պատրաստ է դրա դեմ պայքարել միայնակ, անհրաժեշտության դեպքում՝ նաև ռազմական մեթոդներով:
