Բիրմայում բուդդայականները սպանել են 94-ամյա մուսուլման կնոջ և հրդեհել են ավելի քան 70 տուն կրոնական հողի վրա, հաղորդում է The Telegraph-ը:
Անկարգություններին մասնակցել է ավելի քան 700 զինված խռովարար: Տարեց կինը մահացել է հրկիզումներից հետո դանակի հարվածի հետևանքով:
Բռնությունը չի դադարել` չնայած նախագահ Թեյն Սեյնի այցին: Մի քանի գյուղերում լարվածությունը գնալով աճում է, այդ պատճառով դեպքռի թիվը կարող է մեծանալ:
Աղանդավորական բախումները սկսվել են 2012թ. հունիսին Ռաքհայնում և այդ ժամանակից ի վեր վերածվել են հակամուսուլմանական արշավի, որը տարածվել է ամբողջ երկրով մեկ:
Մեկ տարվա ընթացքում հարձակումների զոհ է դարձել ավելի քան 240 մարդ, իսկ 140 հազարը ստիպված են եղել լքել իրենց տները:
